E YARA KO GBOGBO RE WA O
Composed by Z. A. Ogunsanya Date: 9/12/2016.
Egbe: E yara gbe gbogbo re wa o (Omode e gbo, agbagba e gbo), (Gbogbo eniyan e teti gbo)
E yara gbe gbogbo re wa o (onile, alejo)
Ohunkohun t’o nyo yin l’enu (l’ona kan kan)
E gbe won wa s’odo Jesu o
Ki e tete gbe won wa.
-
Awon isoro ti won un gbe wa
Si odo Jesu l’ati’bi gbogbo
Ko s’eyi t’agbara Jesu ko ka
Logan ni Jesu nbojuto won
Bi won ti un fe. -
Obinrin onisun eje t’o wa
Pelu isoro odun mejila
Ti gbogbo aye ti se tire ti
Logan ni Jesu yanju re fun
T’o si di Mimo. -
Okunrin ti a bi ni afoju
Ti o wa ni’bi t’o ti un sh’agbe
Ko mo p’Olorun fe gba t’oun ro
Logan ni Jesu la’ju re fun
T’o si tun riran. -
Okunrin alarun egba un ko
Ti eni merin gbe to Jesu wa
Ti awon farisi fe dena re
Logan ni Jesu mu l’arada
T’o si lo si’le. -
Lasaru t’o ti ku f’ojo merin
Ti won si ti gbe sinu iboji
Bi Jesu ti pase pe k’o jade
Logan ni’ye Jesu wo’nu re
To si jade wa. -
Baba ti omo re nku warapa
T’awon omo eyin ko le wo san
B’o ti ke’gbe si Jesu fun ‘ranwo
Logan ni Jesu w’omo re san
T’o d’ominira. -
Ogbeni asinwin ti Gadara
Ti o f’iboji se ile gbigbe
Ti legioni un gbe inu re
Logan ni Jesu m’ori re pe
T’o si lo s’ile. -
Ni igba ti waini tan ni Kana
Ti won bere iranlowo Jesu
Omi ti won ni sinu ikoko
Logan ni Jesu so di waini
Ti gbogbo won mu. -
L’ojo t’iji dide ninu okun
Ti won ke’gbe si Jesu k’O gba won
Jesu so fun iji k’o dake je
Logan n’idakeroro si de
Ti won si gunle. -
T’iwo pelu ba gbe ‘soro re wa
Si odo Jesu ni ojo oni
Jesu ko ni je ki oju ti o
Logan ni Yo ba o se ti re
Ti o ba le wa.